بیری
واریمیش، بیری یوخوموش. بیر قاری ننه واریمیش. قاری ننه نین بیر ساری اینه
یی واریمیش. بیر گون ساری اینه ک گئدر سو ایچمه یه. گئدر چیخار بوز اوسته.
بوز وورار گؤتو اوسته... دییه ر: آی بوز سن نه ظالیمسن! بوز دییه ر: من ظالیم دئییلم. من ظالیم اولسایدیم، گون منی اریتمزدی! دییه ر: آی گون سن نه ظالیمسن! گون دییه ر: من ظالیم دئییلم. من ظالیم اولسایدیم، قارا بولود قاباغیمی کسمزدی! دییه ر: آی قارا بولود سن نه ظالیمسن! قارا بولود دییه ر: من ظالیم دئییلم. من ظالیم اولسایدیم، یاغیش مندن یاغمازدی! دییه ر: آی یاغیش سن نه ظالیمسن! یاغیش دییه ر: من ظالیم دئییلم. من ظالیم اولسایدیم، گؤی اوت مند ن بیتمزدی! دییه ر: آی گؤی اوت سن نه ظالیمسن! گؤی اوت دییه ر: من ظالیم دئییلم. من ظالیم اولسایدیم، قوزو منیم باشیمی اوتلامازدی! دییه ر: آی قوزو سن نه ظالیمسن! قوزو دییه ر: من ظالیم دئییلم. من ظالیم اولسایدیم، قورد منی یئمزدی! دییه ر: آی قورد سن نه ظالیمسن! قورد دییه ر: من ظالیم دئییلم. من ظالیم اولسایدیم، آلا کؤپک منه هورمزدی! دییه ر: آی آلا کؤپک سن نه ظالیمسن! آلا کؤپک دییه ر: من ظالییم دئییلم. من ظالیم اولسایدیم، قاری ننه کسسوولا باشیما وورمازدی! دییه ر: آی قاری ننه سن نه ظالیمسن! قاری ننه دییه ر: من ظالیم دئییلم. من ظالیم اولسایدیم، سیچان تاباقدا چؤره ییمی کسمزدی! دییه ر: آی سیچان سن نه ظالیمسن! سیچان دییه ر: من ظالیم دئییلم. من ظالیم اولسایدیم، پیشیک منی یئمزدی! دییه رک آی پیشیک سن نه ظالیمسن! پیشیک دییه ر: من ظالیمم، من ظالیم! کورسو اوستو یایلاغیمدی. یوک اوستو قیشلاغیمدی. که لاوالار اویلاغیمدی. دمیر داراق؛ دیشیمدی. سیچان یئمک ایشیمدی!
منبع: وبلاگ یاشیل خیال